ພະລັງງານສະອາດ ແລະ ໝູນວຽນ

ພະລັງງານນໍ້າ

ບໍລິສັດ ກຸ່ມດວງຈະເລີນພັດທະນາກໍ່ສ້າງ ຈໍາກັດ ຜູ້ດຽວ ໄດ້ດໍາເນີນທຸລະກິດພະລັງງານຢ່າງຕໍ່ເນື່ອງ ດ້ວຍຄວາມໃສ່ໃຈຕໍ່ສິ່ງແວດລ້ອມ ແລະ ການພັດທະນາສັງຄົມ ເຊິ່ງໝາຍເຖິງການຂະຫຍາຍໂຕຢ່າງຕໍ່ເນື່ອງ ແລະ ໝັ້ນຄົງ ໂດຍໄດ້ຮັບການຍອມຮັບ ແລະ ໄດ້ຮັບການໄວ້ວາງໃຈຈາກທາງ ພັກ-ລັດ ບົນພື້ນຖານການດໍາເນີນກິດຈະການທີ່ດີ ແລະ ມີຄວາມຮັບຜິດຊອບແຕ່ສັງຄົມສູງ.

ປະໂຫຍດ

• ສາມາດຜະລິດພະລັງງານໄຟຟ້າສົ່ງອອກຂາຍທັງພາຍໃນ ແລະ ຕ່າງປະເທດ.

• ສາມາດບັນເທົາອຸທົກກະໄພໃນຍາມລະດູຝົນ.

• ເປັນແຫຼ່ງເພາະພັນປານໍ້າຈືດ ແລະ ອະນຸລັກປາຫຼາກຫຼາຍຊະນິດ.

• ສ້າງວຽກເຮັດງານທຳໃຫ້ປະຊາຊົນຂົງເຂດໄກ້ຄຽງ.

ນະໂຍບາຍການດໍາເນີນທຸລະກິດແບບຢັ້ງຢືນ

• ມຸ້ງໝັ້ນໃນການດໍາເນີນງານທີ່ເປັນເລີດ.

• ຫຼຸດຜົນກະທົບເຊີງລົບ ແລະ ເພີ່ມຜົນກະທົບເຊີງບວກຕໍ່ປະຊາຊົນຜູ້ຖືກຜົນກະທົບ, ຊຸມຊົນ ແລະ ສັງຄົມ.

ຄວາມຮັບຜິດຊອບຕໍ່ສັງຄົມ

ມີສ່ວນຮ່ວມຕໍ່ການພັດທະນາຊຸມຊົນ ແລະ ສັງຄົມ ເຊິ່ງເລີມຈາກຊຸມຊົນໃນພື້ນທີ່ບໍລິເວນອ້ອມຮອບເຂື່ອນໄຟຟ້າ ໂດຍມີຂະບວນການປະເມີນຜົນ ແລະ ແກ້ໄຂຜົນກະທົບທີ່ອາດຈະເກີດຂຶ້ນຕໍ່ຊຸມຊົນຢ່າງຕໍ່ເນື່ອງ. ນອກຈາກນີ້ ຍັງມີການຮ່ວມມືກັບຊຸມຊົນ, ໜ່ວຍງານພັກ-ລັດ ທັງໃນລະດັບທ້ອງຖິ່ນ ແລະ ລະດັບປະເທດ ດໍາເນີນໂຄງການເພື່ອຮ່ວມພັດທະນາຊີວິດການເປັນຢູ່ຂອງປະຊາຊົນໃນຫຼາຍຮູບແບບເຊັ່ນ:

• ການສະໜັບສະໜູນການວ່າຈ້າງງານໃນທ້ອງຖິ່ນ.

• ການພັດທະນາເດັກນ້ອຍ ແລະ ເຍົາວະຊົນ.

• ການພັດທະນາທັກຊະທີ່ເປັນປະໂຫຍດຕໍ່ການປະກອບອາຊີບ.

• ການເສີມສ້າງສຸຂະອານາໄມທີ່ດີຕໍ່ຊຸມຊົນ.

• ການອະນຸລັກຊັບພະຍາກອນ ແລະ ສິ່ງແວດລ້ອມ.

ຄວາມຮັບຜິດຊອບຕໍ່ສິ່ງແວດລ້ອມ

ພວກເຮົາໄດ້ດໍາເນີນການກ່ຽວກັບຜົນກະທົບດ້ານສິ່ງແວດລ້ອມ (Environmental Impact Assessment: EIA) ກ່ອນເຂົ້າໄປດໍາເນີນໂຄງການໃນພື້ນທີ່ຕ່າງໆ ເພື່ອສາມາດຈັດການຕໍ່ຜົນກະທົບ ດ້ານສິ່ງແວດລ້ອມໄດ້ເປັນຢ່າງດີ ແລະ ສາມາດຄວບຄຸມໄດ້, ນອກນັ້ນ ຍັງໄດ້ກະກຽມມາດຕະການ ການປ້ອງກັນຜົນກະທົບທີ່ອາດຈະເກີດຂຶ້ນ ຢ່າງມີປະສິດທິພາບເຊັ່ນ: ການຈັດການກັບຄຸນນະພາບອາກາດ, ການຈັດການຂີ້ເຫຍື້ອ, ການຈັດການປະລິມານນໍ້າ.

ໂຄງການທີ່ສໍາເລັດ ແລະ ສາມາດເຮັດການຜະລິດ

ເຂື່ອນໄຟຟ້ານໍ້າຮາວ

ໂຄງການທີ່ກໍາລັງ ດໍາເນີນການ

1. ເຂື່ອນໄຟຟ້ານໍ້າຈາດ 1​ ແລະ 2 ຕັ້ງຢູ່ ເມືອງ ໄຊຈໍາພອນ, ແຂວງ ບໍລິຄໍາໄຊ

2. ເຂື່ອນໄຟຟ້ານ້ຳຮຸນ 1 ແລະ 2 ຕັ້ງຢູ່ ເມືອງ ສໍາພັນ, ແຂວງ ຜົ້ງສາລີ

3. ເຂື່ອນໄຟຟ້ານໍ້າຍອນ 1,2 ແລະ 3 ຕັ້ງຢູ່ ເມືອງ ພະບາດ, ແຂວງ ບໍລິຄຳໄຊ

4. ເຂື່ອນໄຟຟ້ານໍ້າມ້າ 1,2,3,4,5,6 ແລະ 7 ຕັ້ງຢູ່ ເມືອງ ສົບເບົ້າ, ເມືອງ ຊຽງຄໍ້ ແລະ ເມືອງ ແອດ, ແຂວງ ຫົວພັນ.

ພະລັງງານລົມ ແລະ ແສງຕາເວັນ

ພະລັງງານລົມ ແລະ ແສງຕາເວັນມີກໍາລັງຕິດຕັ້ງລວມທັງໝົດ 1200 MW ໃນນັ້ນ ພະລັງງານລົມ

800 MW ແລະ ແສງຕາເວັນ 400 MW ຕັ້ງຢູ່ ເມືອງ ສະໂມ້ຍ, ເມືອງ ຕະໂອຍ, ເມືອງ ຕູມລານ ແລະ ເມືອງ ຄອນພະເພັງ ແຂວງ ສາລະວັນ